बातमी कट्टा:- गेल्या अनेक वर्षापासून महाविद्यालयीन शिक्षण घेतलेले विद्यार्थी विद्यापीठ स्तरीय पीएच.डी पेट परीक्षेच्या प्रतीक्षेत होते. नुकतेच काही दिवसांपूर्वी कवयित्री बहिणाबाई चौधरी उत्तर महाराष्ट्र विद्यापीठ जळगाव या विद्यापीठाची पीएच.डी संदर्भातील पेट परीक्षेसाठी ऑनलाइन अर्ज करण्याची प्रक्रिया सुरू झाली. अनेक विद्यार्थ्यांनी आपल्या पदव्युत्तर पदवीच्या विषयानुसार परीक्षेचा ऑनलाइन अर्ज भरला. परंतु काही विद्यार्थी हे दोन विषयात पदव्युत्तर पदवी असल्यामुळे त्यांना दुसऱ्या विषयात पेट परीक्षेच्या ऑनलाइन प्रक्रियेला अडथळा निर्माण होत होता. दोन विषयात पदव्युत्तर पदवी.असणाऱ्या विद्यार्थ्यांना account with given information already exist असा संदेश प्राप्त होत होता.
म्हणून अनेक विद्यार्थी इच्छा असून सुद्धा दुसऱ्या विषयाच्या फॉर्म भरू शकत नव्हते. अनेक विद्यार्थ्यांनी विद्यापीठाशी संपर्क साधला. गेल्या काही दिवसापासून विद्यापीठाच्या पदाधिकारी यांना सुद्धा भ्रमणध्वनीच्या माध्यमातून विद्यार्थी संपर्क साधत होते. म्हणून सर्व विद्यार्थ्यांचा हिताचा विचार करून विद्यापीठातील सिनेट सदस्य अमोल मुरलीधर सोनवणे यांनी या अडचणी संदर्भात विद्यापीठाचे कुलगुरू डॉ. ई. वायुनंदन यांना पत्रव्यवहार केला होता. तसेच भ्रमणध्वनीच्या माध्यमातून कुलगुरू डॉ. ई. वायुनंदन व प्र-कुलगुरू डॉ. बी व्ही. पवार यांच्याशी चर्चा केली होती. आणि कुलगुरू व प्र-कुलगुरू या अडचणी संदर्भात सकारात्मक प्रतिसाद दिला होता.म्हणून आता दोन विषयात पदव्युत्तर पदवी असणाऱ्या विद्यार्थ्यांना पेट परीक्षेसाठी नोंदणी करण्याचा मार्ग मोकळा झाला आहे.
यासाठी दुसऱ्या विषयात पेट परीक्षेची नोंदणी करण्यासाठी आपल्या अडचणी संदर्भातले पत्र [email protected] या मेल आयडी ला पाठवावे. व सदर विभाग त्या विद्यार्थ्याला दुसरा युजर आयडी व पासवर्ड क्रिएट करून पाठवतात. अशा पद्धतीने दुसऱ्या विषयात सुद्धा पदव्युत्तर पदवी असणाऱ्या विद्यार्थ्यांना याचा फायदा होणार आहे. सिनेट सदस्य अमोल सोनवणे यांनी पत्रव्यवहार केल्यानंतर काही दिवसातच विद्यापीठ प्रशासनाने याची तात्काळ दखल घेतली व दुसऱ्या विषयात पदव्युत्तर पदवी असणाऱ्या विद्यार्थ्यांना रजिस्ट्रेशन करण्याचा मार्ग मोकळा करून दिला.
तसेच पेट परीक्षा ऑनलाईन नोंदणी संदर्भातील मुदत 20 ऑक्टोबर ऐवजी 28 ऑक्टोबर पर्यंत वाढविण्यात आलेली आहे. विद्यापीठाने विद्यार्थ्यांच्या हिताचा विचार करून दोन विषयात नोंदणी व मुदतवाढ केल्यामुळे सिनेट सदस्य अमोल सोनवणे यांनी कुलगुरू महोदय,प्र-कुलगुरू महोदय, कुलसचिव महोदय, संशोधन विभाग व समस्त विद्यापीठ प्रशासनाचे आभार मानले आहे.
