बातमी कट्टा:- धुळे येथे आर्थिक गुन्हे शाखेच्या पथकाकडून अवैध खाजगी सावकारी राजेंद्र बंब यांच्यावर करण्यात आलेल्या कारवाई रोजच नवनवीन खुलासे होत आहेत. पोलीसांनी 24 तासाच्या कारवाईत सुमारे 4 कोटी रुपयांची रोकड व 65 लाखांचे दागिने जप्त केले आहेत. पोलीसांनी तीन लॉकर पैकी एकाच लॉकर मधून सुमारे 2 कोटी 56 लाखांची रोकड व 19 लाखांचे दागिने जप्त केले आहेत. पोलीसांनी केलेल्या अवैध सावकारीच्या या कारवाईमुळे खाजगी सावकारी करणार्‍यांचे धाबे दणाणले आहे.राजेंद्र बंब यांच्या आणखी दोन लॉकर मध्ये काय घबाड मिळेल याकडे सर्वांचे लक्ष लागले आहे.
धुळे पोलीसांना अवैध सावकारा विरोधात एक तक्रार प्राप्त झाली होती.त्या तक्रारीच्या आधारे धुळे आर्थिक गुन्हे शाखेने एका अवैध खाजगी सावकारी करणाऱ्या धुळे शहरातील राजेंद्र बंब या एलआयसी एजंटला ताब्यात घेत त्यांच्या विरोधात कारवाई केली होती.पोलिसांनी राजेंद्र बंब यांच्या ताब्यातून एक कोटी 42 लाखांची रोकड, 46 लाख रुपयांचे दाग दागिने जप्त करण्यात आले होते. तसेच बंब यांच्या कार्यालयातून 38 कोरे चेक, 104 खरेदीखत, 13 सौदा पावत्या, 33 कोरे स्टॅन्ड आणि 204 एफडी केल्याची कागदपत्रे बँकेतील तीन लॉकर आदींवर कारवाई करण्यात आली होती.राजेंद्र यांचे जळगाव जनता बँक ,शिरपूर पिपल्स बँक आणि योगेश्वरी पतपेढी या ठिकाणी असलेल्या लॉकरची तपासणी बाकी होती. कोट्यवधी रुपयांची मालमत्ता सापडल्यानंतर अजून तीन बँकेच्या लॉकरमध्ये काय समोर येतं याकडे सर्वांचे लक्ष लागले होते.
पोलिसांनी काल राजेंद्र बंब यांच्या जळगाव जनता बँकेतील लाॅकरची तपासणी करण्यात आली.त्यांच्या या एका लॉकरमध्ये दोन कोटी 54 लाख यांची रोकड पोलिसांनी जप्त केले आहेत, तर 19 लाखांचे दागिने देखील या लाॅकलमधून पोलिसांनी हस्तगत केले आहे.गेल्या चोवीस तासांमध्ये झालेल्या कारवाईत धुळे शहरातील अवैध सावकार विमा एजंट राजेंद्र बंब यांच्याकडे पोलिसांनी तब्बल चार करोड रुपयांची नगदी, तर 65 लाख रुपयांचे दागिने जप्त केले आहेत. कोट्यवधी रुपयांच्या बंब याच्या मालकीच्या स्थावर मालमत्तेची कागदपत्र ही पोलिसांनी जप्त केली आहेत.राजेंद्र बंब यांच्या आणखी दोन शिरपूर पिपल्स बँक आणि योगेश्वरी पटपेढी येथील लाॅकरची तपासणी बाकी आहे.यातही मोठे घबाड समोर येईल असंच एकंदरीत दिसून येत आहे.गेल्या दोन दिवसांपासून सुरू असलेल्या या कारवाईत दररोज नवनवीन खुलासे होत आहेत.
