बातमी कट्टा:- भरदुपारी घरफोडी करुन ७ लाखांची रोकडसह ४५ हजार किंमतीचे सोन्याचे दागिने चोरी करणाऱ्या संशयिताला शिरपूर तालुका पोलिसांनी शिताफीने ताब्यात घेतले असून त्याच्याकडून ७ लाख २० हजार रुपये रोख व ४५ हजार किंमतीचे सोन्याचे दागिने जप्त करण्यात आले आहे.
मिळालेल्या प्राथमिक माहिती नुसार शिरपूर तालुक्यातील शेमल्या येथील दौलत हिरालाल राठोड हे दुपारी १ वाजता शेंधवा येथे मुलांचे शालेय वस्तू खरेदी साठी गेले होते. सायंकाळी घरी परतले तेव्हा घरातील कपाळाचे लॉकर उघडे दिसले त्यातील ७ लाख २० हजारांची रोकड व ४५ हजार किंमतीचे सोन्याचे दागिने चोरी झाल्याचे उघड झाले याबाबत दौलत राठोड यांनी शिरपूर तालुका पोलिसांना माहिती देत चोरीची घटना सांगितली पोलिसांनी तात्काळ चौकशी सुरु केली.याबाबत पोलिस निरीक्षक जयपाल हिरे यांनी दोन पोलिस पथक तयार करत संशयिताचा शोध केला.यादरम्यान पोलिस निरीक्षक जयपाल हिरे यांना मिळालेल्या गोपणीय माहिती नुसार शेमल्या येथील मुकेश शिलेदार पावरा वय २८ याला पोलिसांनी ताब्यात घेत चौकशी केली असता मुकेश पावरा याने चोरीची कबुली दिली.
सदरची कारवाई पोलिस अधीक्षक श्रीकांत धिवरे,अप्पर पोलिस अधीक्षक किशोर काळे, उपविभागीय पोलिस अधिकारी भागवत सोनवणे, यांच्या मार्गदर्शनाखाली पोलिस निरीक्षक जयपाल हिरे, उपनिरीक्षक क्रुष्णा पाटील, बाळासाहेब वाघ,रसिक मुल्ला,सुनिल पाठक,संतोष पाटील,राजु दिसले,खसावद,संदिप ठाकरे,भुषण पाटील,योगेश मोरे,स्वप्नील बांगर,संजय भोई, पावरा,दिनकर पवार,सुनिल पवार,सागर कासार आदींनी कारवाई केली आहे.
